紙尿片真係有好多款選擇， 記得小茄初生果陣都係Huggies舊款既紙尿片， 貪佢大腿圍夠細，包得bb 貼身！
雖然依家小茄兩歲， 剛剛開始嘗試戒片！但係夜晚仲係要用片片呢！
最近去完bb expo見到huggies出左新既防疹紙尿片！所以都比小茄轉左用！
韓國製造！ 質量好有保證！摸上去好厚實既質感！
片片前面有品牌名稱同可愛動物！
大腿同埋腰間橡筋位比以前做得厚實左，可以環抱bb身體，好似媽媽抱實bb 一樣！
pat pat位都係有個小袋仔，可以杜絕尿尿或者人奶bb稀便便爆poopoo 上背脊既情況！
而佢亦有條線顯示住片片有無濕，如果條片片濕左，條黃色線就會變成藍色！
同埋呢條尿片既吸水力幾好，透氣度都ok，bb 每次尿尿完， 都唔係好feel到裏面既濕氣！小茄最怕夏天焗促感覺，由其是pat pat 部位肌膚特別脆弱，好容易起尿布疹同粒粒！
但小茄轉左用呢隻尿片之後就冇哂尿布疹喇！
小茄一晚訓天光， 尿尿冇滲漏， 好舒服呀！
冇紅疹！ 去街都特別開心呢！！
時間過得真係快！小茄上學了！ 媽媽好唔捨得呢！
其實我同好多媽媽一樣， bb一出世就一直堅持全母乳， 始終母乳既營養同抗體係為bb 度身訂造， 做媽媽梗係比最好既比bb 啦！
那些年我戰績！ 係我飛左既時候儲比小茄既奶奶哦！
可惜茄媽本身係個飛人， 作息唔定時， 全人奶之路去到8 個月就被迫停了！
不過好好彩， 小茄食S26 Ultima真係食得好好！ 臨訓之前飲一支奶奶既習慣仲未戒， 婆婆家，媽媽家都一樣， 飲完奶奶， 刷完牙就訓覺啦！數數手指 ， 小茄轉左食惠氏s26Ultima已經有半年喇！
腸胃好，訓得好，第二朝就有精神上學同其他小朋友玩喇！
媽媽好期待見到你同同學仔互動既畫面！ 加油小茄！
夏日炎炎， 又係去户外玩沙玩水既日子！
早幾日同小茄去左YOHO MALL「夏日玩·藝·Rainbow Beach」，唔駛去沙灘都有得玩沙玩水！無錯， 係包你玩到濕身既遊樂場！Are you ready ? Let's Go !!
「夏日玩·藝·Rainbow Beach」分為3 區 ， YOHO MALL I 露天廣場、綠化園林、一樓平台及中庭。
首先去左綠化園林Garden ！ 夏雨·鞦韆 係一個會落雨既鞦韆！
小茄仲特登著左泳褲去玩！ 小茄一見到就話落雨！開心到衝左上去，未玩鞦韆，喺旁邊已經玩到濕晒身！ 玩水真係好爽呀！
旁邊仲有個夏水·變身室， 提供雨衣丶雨傘、水鞋外借服務， 玩到濕晒可以入去換衫唔怕冷親！ 好貼心呀！
黎到露天廣場， 離遠已經見到好靚既夏舞·彩沙池！
幾十組大小不一嘅彩沙池遍佈露天廣場！ 小茄見到七彩既沙好開心呢！下次一定要帶埋沙工具黎， 同小茄起個沙堡壘！
行過少少就係動物電動船！小朋友可以登上時色彩繽紛嘅動物電動船自由駕駛，好似係海洋世界當中！
小茄揀左架黑色雀仔船！ 著上救生衣， 上船喇！
原來隻船係要自己控制方向架！ 小茄初頭唔識係咁打白鴿轉, 笑死我！ 好彩有工作人員哥哥幫手， 小茄終於識轉彎喇！ 哈！
玩完船仔， 就去一樓平台，集滑梯、彈床於一身既充氣既海洋堡壘！為左保持地方清潔，大家記住要着襪仔先可以係呢個海洋堡壘度玩架！
又可以跳， 又有滑梯玩， 仲有大大把噴水風扇喺旁邊， 又好玩，又消暑呀！
最後一站， 黎到一樓中庭， 室內既夏遊·巨鯨島！從遠處就比呢隻高達兩米長13米嘅巨大鯨魚吸引住喇！ 粉藍色超可愛呀！睇到都令人覺得好涼浸浸呀！
小茄對於有路軌既車車毫無抵抗力！不停大叫路軌路軌！ 火車火車！其實呢架圍住巨鯨嘅係七彩潛艇， 父母可以帶一個小朋友一齊玩，好似玩水上單車咁，探索海洋，小茄超滿足呢！
「夏日玩·藝·Rainbow Beach」由即日起至到9月11日正式開放比大家玩（逢星期四暫停開放作日常檢查保養）！由於大部分遊戲設施都在室外， 大家記得留意天氣情況， 落雨時會暫停開放架！：）
今個暑假又有一個免費好玩既親子好去處喇！
It's raining , it's pouring , so head outside and don't be boring !
