小茄吃什麼？🍆

11個幾月大嘅小茄，早上6:00am 食240 ml 奶， 🍼9:00 am再食150 ml , 再食餅餅，下午1:30 pm 午飯,6:30 pm 晚飯， 一共食兩餐固體,都係媽媽親自煮嘅愛心爛飯😚🍚

今次同大家分享下「蛋黃西蘭花粟米肉碎爛飯」食譜， 又香又甜營養豐富，小茄都好喜歡食❤⋯⋯

個爛飯底我會先用0.5 L 炆燒杯整。首先倒半嘜米，洗米之後再加熱水暖杯幾分鐘，再加熱水滿壺，焗兩個半至三個鐘完成，粥底備用。焗好足足有兩碗爛飯，如果覺得水太多下次可以落少啲水。

個粥底差唔多焗好，我就會準備材料，因為我懶，我會一次過煮兩餐份量， 用暖壺分裝。

1，準備一隻烚好既蛋黃，蛋白我會自己食😂， 蛋黃用匙羹壓爛

2，西蘭花切咗個莖，份量大約手掌咁大，主要留返個頂啲深綠色花花，烚大約8至10分鐘，我會用大匙羹將西蘭花壓爛

3，新鮮粟米半支，取粟米粒， 由於粟米粒比較硬，我會用攪拌機攪碎

4，瘦肉挆爛，好似整肉餅咁挆，但我會再挆爛少少

5，材料準備好晒，就將焗好既爛飯全部倒入小鍋，開慢火， 再加壓爛左既西蘭花，不停攪拌，再落粟米蓉，最後再落瘦肉碎，記住要不停快速攪拌，因為好易黏底，見到啲肉碎變色煮熟左， 熄火，加埋蛋黃茸就完成了！

其實一啲都唔難整， 但係煮小朋友食物要特別花心機， 除了每個材料都要特別壓爛，食材亦要營養豐富，不能落調味料但味道又要好，確保小茄吃得健康滿足。

堅持親自為小茄準備營養午餐，雖然你仲未識講野， 但你每次都不停催促媽媽餵快 D ,食得快又食晒全部， 做媽媽的已經覺得很開心安慰了！

小茄， 到你識講野果陣， 可以講比媽媽知好唔好味嗎？☺☺☺I Love u 小茄🍆❤