茄媽孕期大小事-防肚紋

茄媽孕期大小事

有好多人問我陀 BB搽乜野防肚紋，簡單同大家分享下☺☺

一知道有左 BB，我就開始肚皮保養， 滋潤肚皮皮膚， 因為肚皮會隨着胎兒日漸長大而變得繃緊同痕癢，荷爾蒙變化亦都會令肚皮變得深色，出現妊娠線甚至妊娠紋。⋯⋯

雖則好多人話妊娠紋爆唔爆呢家野係整定， 會爆就搽乜都爆。但係唔搽可能爆得仲多😱😱😱， 而且冬天乾燥既時候真係勁痕， 嚴重既會痕到訓唔到覺！預防勝於治療， 都係搽左穩陣！

1,Mustela Stretch Marks Double action

我搽得最多就係呢支,因為佢隻味比較正常😅,好似平時搽開Body Lotion 既清香味道，同埋感覺輕同薄，唔會黐立立， 比較清爽， 夏天用最啱

2， Palma 's massage lotion for stretch Marks

呢支野我老公話係朱古力味， 陣味都幾勁唔係人人接受到！ 比較杰身同立， 如果晚上開冷氣， 或者乾燥天氣都啱用

3，Bio Oil

呢支萬用油好出名， 潤膚一流， 但我通常會疊擦， 冬天混合Lotion 用一流！

💜溫馨提示： 搽嘅時候記住順住同一個方向塗抹，🙅千其唔好打圈按摩肚皮， 呢個動作好易引起宮縮架！

我好好彩一條紋都無爆過， 係有一條深色既妊娠線，不過依家都愈來愈淡了！

希望呢個小分享可以幫到大家啦！😚💜