（活動）Cosmopolitan X Origins「淨肌瑜珈工作坊」

（活動）Cosmopolitan X Origins「淨肌瑜珈工作坊」

香港空氣差，汽車廢氣又多，有時去完街塊面會好污糟，返屋企自不然會洗多幾次面，不過洗得多可能會令塊面缺水，增加敏感，仲有機會生粒粒添！

所以我真係好鍾意做瑜伽，淨化身心身體好，皮膚就自然靚啦 ！

上個禮拜茄媽參加左Cosmopolitan X Origins「淨肌瑜珈工作坊」,地點係位於半島酒店辦公室大樓既Pure Yoga,瑜珈crossover skin care 既活動我真係第一次參加呢！

今次既主角就係Origins 新出既呢支Dr. Andrew Weil for Origins™ 靈芝菇菌抗逆健膚潔面水 (Mega-Mushroom Skin-Relief Micellar Cleanser) ，成份包括

1，莓果酵素 (Berry Ferment)

莓果於印第安人文化中被視為有效的靈丹妙藥，蘊含強效抗氧化成分，有助對抗污染帶來的損害。

 

2，米糠 (Rice Bran)

傳統中藥材，能中和水中礦物成分，帶走殘留皮膚的污染物，阻隔對肌膚的侵害。

 

3，海藻複合物 (Algae Complex)

生長自熱帶海域，具抗刺激的功效，有助保持肌膚健康。

佢獨特既Micellar Technology（微膠粒技術）仲可以無需過水溫和去除面上的污染物、化妝品同雜質。

倒啲潔面水落化妝棉，輕輕一抹，配方既微膠粒分子就好似磁石一樣吸走面上過多油分，污垢及灰塵，污染物同化妝品通通抹走，落妝 + 洗面唔駛過水，潔面水不含鹼性同酒精配方，敏感肌都啱用！

好！ 做瑜珈之前清潔下塊面，等我試下支潔面水先！

抺完塊面真係好爽好乾淨， 可以零無負擔舒舒服服咁做瑜珈喇！

企最前排著 adidas legging 果個就係我喇！

不過生完小茄之後， 都好耐冇做過瑜伽😅

d骨頭硬晒添! 我去拉拉筋先喇！哈哈！

臨走之前梗係拎返個props 影張相留念啦!!!

好開心又識到Bloggers 朋友！ 希望下次活動再見啦！ 

茄 Fashion

#茄Fashion

好耐冇Post 茄 🍆Fashion 了！ 因為每次為左同小茄親子裝， 呀媽著到愈來愈Man .... 真係唔知著乜好喇！加上小茄仲係bb 👶🏽年齡， 我唔想佢著得太老積👱🏼， 想保留可愛童真感覺， 所以惟有呀媽著得Sporty d 啦！

其實我好羨慕生女👧🏻女既朋友成日可以同女女著裙親子裝架，不過小茄係男仔👦🏽！ 終於比我諗到😂😂😂

就係我著格仔裙，小茄著格仔裇衫綁腰！

著埋一樣的Jordan 8,我地係咪好襯呢！😬😬😬

茄：

白tee : next

褲： 偽裇衫綁腰legging

鞋： Air jordan 8 Playoff

如何挑選合適自己的護膚品？護膚品的安全性！

依家市面上嘅護膚品、面膜品牌同產品咁多，真係令人睇到眼都花👀👀

每隻產品都講到自己產品既成份最特別、最好，到底信邊個好？梗係自己學下點揀就最好啦！

一般護膚品係冇強制產品認證要求，廠商多數都係用文件送審方式，作為消費者都係只能夠相信廠商，但係如果若廠商能提供產品通過檢驗的證明，起碼都有跟有據，用起上來就安心好多！應該點揀先好呢？

 

潔面產品🙆🏻

揀潔面產品就當然要洗得乾淨但又唔會過度，因為皮膚油脂一但被洗走反而會更容易出油! 

好多潔面產品會添加可以去油既界面活性劑(surfactants)，令到洗面劑起泡去面油，但界面活性劑其實分好多種! 我地塊臉係好脆弱，多一個成分就可能多一個過敏的機會! 

建議選擇有胺基酸界面活性劑 (Sodium Lauroyl Glutamate) 的潔面產品，去脂力就更加溫和！

另外要留意某d產品生產過程中可能會有微生物、重金屬、塑化劑等加入，呢啲野唔止令皮膚過敏，甚至對皮膚產生長久嘅危害。

面膜🙈

大家記得邊個綠燈俠🚦嗎？大陸有個女人敷含過量螢光劑既面膜， 夜晚塊面發光， 被人以為係馬品路上既交通綠燈！

有D廠商為左令人有一敷即白明顯效果，大量加入螢光劑，呢d化學添加的螢光增白劑好容易導致皮膚過敏不適。點樣判斷mask不含螢光劑? 最簡單嘅方法就係用UV燈照，有發光反應嘅就係有螢光劑！

除左螢光劑之外，有好多面膜紙都浸喺精華液入面，精華液濃度過高，或者添加酸類換膚嘅精華液，都可能就會有過敏或者灼傷肌膚之類嘅情形發生，敷嘅時間都唔可以太耐。另外，含過量防腐劑都會有致癌既危險。

 

總結

國際知名品牌通常會透過一些測試機構把關(如德國萊茵TUV)，透過嚴謹檢測，提供不含微生物、重金屬、塑化劑等證明。做一個聰明的消費者，購買產品時除了留意品牌是否提出了產品檢驗證明，身為消費者也可以試著了解哪些成份可能會造成自己皮膚不適的問題。

喺一個資訊爆炸嘅時代，一定要做個聰明嘅消費者，擁有明辨真偽嘅能力，幫襯前，不妨多花啲時間了解產品質量同廠商家系咪有提供檢驗證明，呢啲其實都係身為消費者為保護自己要做嘅功課！呢類保養品成分多而繁雜，有時睇都唔明，檢驗證明最好唔係廠商自己講嘅資料就可以話事，最好要有好似德國萊茵TUV等外面第三方嘅檢驗機構來檢驗才較有公信力。

 

【德國萊茵TÜV 】 有140 年以上歷史的第三方檢測認證機構，在香港有經認可的實驗室，為品牌進行成分、有害物質檢驗分析等

睇睇有邊d實用檢測項目>>>

官方網站 http://www.tuv.com/tw/greater_china/home.jsp

官方粉絲團 https://www.facebook.com/TUVRheinlandHK

GHD Platinum 整頭髮我要快靚正！

平時去街，化妝揀衫已經用咗好多時間😅

整頭髮我要快靚正！

呢個ghd platinum直髮夾係我近期至愛，開機20秒即熱，佢既專利 Tri-zone技術，令到髮夾維持喺頭髮造型最佳溫度185度, 頭髮冇咁易斷，夾一下到尾已經勁閃令令！唔駛好似以前咁死夾爛夾，較到個負離子夾成220 度，夾完啲髮尾又黃又乾，諗起都驚驚😖😖😖

依家我夾直， 夾內卷， 夾曲我都會用到佢！ 

個夾仲有睡眠模式，靜止後30分鐘自動Power off , 岩晒我呢個大頭蝦😂😂😂

分享下我平時點樣Styling 個頭:

1，首先我會將全個頭夾內卷， 要快既，頭髮左右各分3 part , 用個夾向內屈，hold 3 秒就可以

2，然後左右兩邊前Part ， 各抽兩執頭髮出黎， 係個髮夾向後繞兩圈，hold 3秒向後拉，就整到波浪大卷， 左右各兩執， 搞掂

大家可以試下我呢個懶人set 頭法✌

#ghdplatinum @ghdhairhk

Dancing Dancing !

#湊茄日記

Dancing dancing 💃💃💃

我同小茄Signature 遊戲就係 跳舞，

同爸爸就係hide and seek👀👀👀

你地有冇一樣同小寶貝玩到卡卡聲既遊戲呢？😁

為食茄！

#湊茄日記 

為食茄！

茄 🍆： 我好想食呀.... 求求你😢😢😢