茄媽與小茄: 8月 2015

2015年8月31日星期一

小茄的新BB 車，超輕好推Quinny Yezz

就嚟14個月嘅小茄，因為越嚟越大舊，大型嘅BB車實在唔再適合佢😅媽媽推得好辛苦哦！再加上嚟緊會帶小茄去旅行，所以都好想同佢換架輕便又帶得上飛機既士的車！

睇咗好多間，茄爸終於扑鎚，買左小茄坐上去會笑既Quinny Yezz BB 車😅😁！架車原裝荷蘭製造，揀咗焦糖色，好有野外郊遊感覺，我地最欣賞個車架，好有型！超輕車身，只有5 Kg ,但個車架好實淨，唔會輕飄飄反車，單手收車開車無難度，摺合大小可以帶上飛機，個車輪係滑板輪，真係超好推💨💨💨！仲可以原地360度自轉！因為係超輕車，架車冇大型既儲物籃，但背後有個暗格，放支水同尿片冇問題！

最重要係我個小寶貝坐得好開心！😚😚🍆😁👏

如果媽媽們要換車可以考慮下呢架👍✨✨

#QuinnyYezz

2015年8月30日星期日

茄Fashion -Kpop Oppa 茄

#茄Fashion 💜

今次冇親子裝XD🙈

小茄今日一試 K pop 👦Oppa Style , 務求吸納更多韓系美女姐姐🙆✨注意XD

數字網網球衣 + 偽綁腰格子裇衫Legging，

有冇 G Dragon 😎咁有型哦？

茄🍆：我識唱Bang Bang Bang 架！🔫🔫🔫

特別鳴謝美女EE Mina 😁

鞋： #Jordan11Bred

2015年8月27日星期四

茄爸爸生日快樂！

茄爸爸👨生日快樂🎂！

祝你每天都開開心心💜

今日比你做一日皇帝👑

最後倒數8小時48分⌚️

好好享受吧👳😁👍

🍆茄：有我喺度，你唔駛旨意做皇帝，我先至係大帝🙊👍😂

#湊茄日記

2015年8月21日星期五

茄媽的護膚櫃-泰國LaDoctress貴婦修護睡眠面膜

有時放工太夜，落完妝沖完涼真係想 Skip 晒所有護膚程序就咁一野撻落床 😖😖😖

但係塊面勁乾又開住冷氣訓，唔搽野我驚起身塊面會裂開😅😅最近試左呢隻勁hit 既泰國品牌La Doctress 皇牌睡眠面膜，除左保濕，收細毛孔，仲有抗敏舒緩效果，通常Organic成份護膚品牌包裝都勁簡約，但都呢隻包裝出奇地好有貴婦feel 👸✨

成份包括：水稻癒傷組織幹細胞提取物🌾，蝸牛粘液🐌，蜂毒🐝，濟州櫻花🌸，發酵蜂蜜🍯，黃瓜提取物

洗完面，泵幾下搽全面🙆，等10 分鐘，再按摩下就可以訓覺💤💤💤...

第二朝起身洗面又真係好滑喎✨

大家可以試下🙋

#ladoctresshk

#carriewears

2015年8月19日星期三

茄 Fashion

茄Fashion 💜

小茄平日落街 Look ! Band tee + 運動短褲，再襯對藍色 Huarache波鞋, 成個人都好Shape , 好清爽的🌞夏日裝扮！

BB Huarache 鞋幾好著，唔駛綁鞋帶，就咁穿入去就得！鞋底又軟，好岩學行著呀！ 🚶🏃💨

茄：請你飲水水！💜😍

tee : Metallica Tee bought from bangkok

褲： Next

鞋： Nike Huarache

2015年8月17日星期一

超級好用沙龍級Peeling Philosophy the microdelivery peel維他命c/縮氨酸家用微晶煥膚組合

茄媽的護膚櫃

超級好用沙龍級Peeling

Philosophy the microdelivery peel維他命c/縮氨酸家用微晶煥膚組合

已經用左兩套，因為實在太好用，上次喺美國又囤左1 set !

大熱天時出完街塊面真係勁污糟！角質層勁厚，唔做返個 Facial 真係對唔住自己！

Step 1 係好香橙味嘅維他命C煥膚霜，薄薄地搽一層等一分鐘，

之後再搽Step 2縮氨酸煥膚精華, 同面上既煥膚霜撈埋一齊，會有小小暖暖地嘅感覺，混合一齊會變成米白色，表示維他命c與縮氨酸注入肌膚中。等大約1-2分鐘後，洗乾淨就搞掂！

每次用完之後塊面真係超級勁滑勁軟淋淋！超好摸，好似小茄d肉咁滑！有時間的話我會敷完深層清潔面膜再做呢個 peeling , d 黑頭全部出晒黎，好爽！

2015年8月16日星期日

2015年8月15日星期六

純粹私心分享！Colgate Optic White Plus Shine

我d 牙不嬲都唔係好白，牙醫話我細個果期飲d 水唔好，琺瑯質差，又飲咖啡，d 牙望落去咪好黃囉！

明星介紹既牙粉又用過，好多外國標榜美白既牙膏都用過，可以話完全冇用😖牙貼我有用過，係work ，不過好那好痺，唔係人人岩用！牙貼面我都有諗過整，不過要磨細d 牙我真係驚驚😲😲😲

呢隻Optic White 真係勁好用，刷幾日已經明顯白左勁多，我用左成年，真的不可以沒有它！再搽埋紅唇，再顯白d !Yeah !

呢幾日超市屈人寺果d 又有買一送一，我掃左40 支....哈哈！原價$39.9 ，真係超平！哈哈.....！

2015年8月14日星期五

#茄fashion 💜

我好鍾意同小茄着Legging , 因為好貼身好顯腳形😁，著淨色tee 襯已經好可愛💜

除左 Gap 既 legging , 我都會買Uniqlo，有好多花款，不過就冇Gap 咁貼身，個褲浪位相對大啲闊啲，包住條片片一流。大型 Uniqlo 店多款好多，我次次都行到唔捨得走！今次呢條民族花真係好有型呀！😎👍⋯⋯

Tee: Next
Legging : Uniqlo
Shoe : Jordan 5

茄媽的護膚櫃- Kiehl's 亞瑪遜白泥毛孔深層清潔面膜

Kiehl's 亞瑪遜白泥毛孔深層清潔面膜

其實想介紹呢個好耐架啦，用左成年都好鐘意，仲restock 過幾次！😌👍

因為夏天😎就快到，時熱時冷，加上香港天氣又潮濕，毛孔會變得好污糟，又鞋又多死皮，一定要敷深層清潔面膜清潔下！⋯⋯

我平時一個星期最少敷一次，如果覺得特別污糟，例如去啲污煙漳氣嘅地方或者after fight我會返屋企即刻敷（我對自己啲皮膚質素要求好高有嚴重潔癖😝）

面膜既成份主要係亞瑪遜白泥，質地好滑好舒服，好易推開，搽上面完全冇吉吉地既感覺。只要落咗妝洗完面之後，避開眼睛，全面薄薄地搽一層，敷5-8分鐘，等面膜乾左就用水洗就可以！敷完會有啲白頭黑頭出黎，我會用濕毛巾喺塊面上打圈打圈咁清潔，毛孔就會好乾淨，照鏡都覺得白啲。我慣咗完敷深層清潔面膜之後，一定會敷個水份mask ,塊面就會好滑架啦。

大家記得淨係敷保濕美白嗰啲面膜係唔夠架，塊面做清潔一樣係好重要架！💜😏👍加油！

By Szeci

茄媽產後收肚子的法寶

上年6 月就係小茄出生既大日子，亦都係茄媽人生中難以忘記與世隔絕一個月嘅坐月生涯。

好多人問我點樣減肥，講真，真係冇得諗：（因為餵母乳關係，坐月果時每天只可以不停食不同煮法既雞同埋雞，仲有無窮無盡既飯同湯水，都係為左有源源不絕既母乳供應比小茄。⋯⋯

生完bb 之後，完全做唔到有效既收腹運動，一下sit up 都做唔到，因為經過懷胎十月既肚皮拉扯，得返一塊冇肌肉既肚皮。個肚好似仲有4 個月咁，難免令人沮喪，所以我相都冇影😖。

我生產前做過資料搜集，為左防止產後內臟器官子宮下垂，生完BB一定要用束腹帶，而且係要好闊，上下有粗魔術貼，完完全全包住肚腩同埋盆骨。我個條束腹帶係佐敦嗰間媽媽世界買嘅，嗰時買一送一，好似2百幾蚊。我坐月嗰陣正值炎夏，我好乖好聽話就算熱到好痕好焗生粒粒，我都堅持每日紮實束腹帶，我就誇張啲嘅，我除咗去洗手間同沖涼之外，我連瞓覺同食嘢都照束住，可以話廿四小時全天候，但一定要束好緊好實，束緊盆骨位先有用。

小茄滿月我已經著得返大肚之前既褲，雖然個肚皮仲係鬆鬆地，而且仲個人仲有d 腫。依家小茄都9 個月了，今日做個記錄，雖然冇可能去返生之前咁實，但係總算冇肚腩。當然我本身都係瘦底，但我相信束腹帶真係有用架！希望解答到媽媽們對於收肚子既疑問！

媽媽們唔好放棄自己！生完仲可以keep 返架！加油！！

泵媽去街帶什麼

初為人母尤其係泵媽，初次帶bb出街應該會好緊張，因為帶bb 出街好驚帶漏野，又唔知道出街要帶啲乜野裝備，點樣帶奶出街等等，今次同大家分享一下。

1.冰袋⋯⋯
我有一個fridge to go 冰袋，早一晚放冰格,入面有製冷板，帶出街6-8 個鐘都keep 到好凍，或者普通冰袋，入面放冰種， $12 蚊店有售。

可以直接將要食既奶放入奶樽再放入冰袋，食幾多餐帶幾多樽。亦可以分開裝，即係帶空樽，另帶一包包儲奶，出街先倒落個樽，咁就唔怕坐熱多左奶會浪費。

2.保溫壺
個壺可以裝熱水，又可以用黎坐奶，高度剛剛好，第二時食固體又可以裝粥仔，早買早享受

3，泵奶機，泵奶 parts
部機記得叉電，泵奶parts 要2 set

4,extra 奶樽，奶袋
泵完儲奶用，帶多好過帶少

溫馨提示：
如果唔嫌麻煩其實可以預返時間， bb 食之前pump 新鮮奶，但係強烈建議一定要帶定雪奶以防不時之需，因為出街pump 奶有壓力會影響奶量未必夠BB食，記得要保持輕鬆同飲大量水💪😠泵媽們加油！希望幫到新手泵媽們！

泵媽去旅行

泵媽去旅行

茄媽係個泵媽，小茄出生一星期埋身唔成功，就開始泵媽之路。我喺小茄3個月同6個月大分別同老公兩個人去過泰國同日本，每次都係4日，原因係雪奶可以雪4~5日，帶返黎比小茄飲剛剛好。由於一直堅持全人奶，去旅行前，大前提要儲足夠雪奶冰奶喺香港比小茄食。

去到當地就照返平日泵奶schedule,較鬧鐘起身，朝早6點一次，喺酒店食早餐，出去行街中午12點再泵，晚飯前6點一泵，回酒店睡前12點再泵。因為出街泵要帶冰袋，所以我選擇返酒店泵，亦有一兩次去得太遠，我在餐廳泵都試過。雖然辛苦，但係值得，亦都好多謝茄爸一路既支持。⋯⋯

不過我比較擔心既係，我泵出黎既奶能唔能夠成功安全運送到香港又唔會變壞。今次同大家分享下泵媽去旅行要帶既野。

茄媽問朋友借左個細雪箱，即係好似你遊船河雪汽水果d，不過size 細一半，亦都可以去12 蚊店買發泡膠盒，原理一樣。

另外我亦喺12蚊店買左一包包雪種，類似買冰皮月餅，放喺入邊細細包個d雪種咁，因為細細包可以放係奶與奶之間，確保雪箱夠凍冷藏d奶。

當然一定要記得帶奶袋奶泵既用具啦。

由於泵完奶要即刻冷藏，第一，book 酒店前請send email 問清楚酒店房有冇雪櫃,第二我要係返香港前一晚叫酒店幫我將雪種雪做冰，足以冷凍雪奶返香港。第三，泵奶用具要消毒，我就直接用水煲煲滾烚，問下酒店有冇水煲，如果冇就要自己準備一個，或者用奶樽專用消毒片。

因為要慳位，奶要一包包平放，一定要check清楚奶袋完全zip實，奶與奶，雪箱4邊都要放冰種。去到機場，我將成個雪箱封膠check in,記得叫地勤幫你貼「小心易碎」貼紙。

由離開酒店，搭飛機，搭車返到屋企，前後都有12個鐘，打開雪箱d奶仲好冰好凍。之後果幾日小茄跟返日子，飲左去旅行最早泵果d先，返香港我新鮮泵果d就全部雪做冰奶。

希望我既分享幫到想去旅行又唔知點做既泵媽，因為我當時都唔知點做，上網又唔係好多媽媽分享，所以我的起心肝寫一篇希望幫到大家。出去抖抖氣，鬆一鬆爭好遠架!調節一下心情，叉足電，返黎再有加倍力量湊Bb!大家加油!

茄媽的化妝箱 - 孕婦的紅唇 (Fresh黃糖潤色護唇膏SPF15)

茄媽的化妝箱

孕婦的紅唇 (Fresh黃糖潤色護唇膏SP茄媽的化妝箱 F15)

大肚果陣成日上網睇懷孕資訊，成日話孕婦唔好搽指甲油呀唇膏呀唔好化妝乜乜乜呀，話會有化學物質經皮膚過落bb度。我大肚果陣問過醫生，醫生話其實面部皮膚只係佔全身皮膚既十分一左右，如果真係擔心既，當然可以成個孕期都素顏示人啦。不過茄媽都好貪靚，懷孕果陣仲正正係星星熱，如果冇得出街搽下紅唇扮下千頌伊，好似又唔夠韓風，哈哈。當時就買左呢支Fresh黃糖潤色護唇膏SPF15(SUGAR Cherry TINTED LIP TREATMENT SUNSCREEN SPF 15 ),顧名思義主要成份係黃糖做，成份天然d，仲要係SPF 15 防曬潤唇膏，一支搞掂又唔怕會曬黑個咀💋💖，同埋真係好潤好夠紅，我個咀好易甩皮，但搽呢支冇事喎，起飛機工作都冇問題😆😆😆⋯⋯

茄媽太懶遲遲唔出 sharing,真係唔好意思，但係我今次會好好認真對待我個blog,唔會令佢起晒蜘蛛網😂😂😂😂

希望呢個Sharing 幫到大緊肚又貪靚既靚媽😳😳😳陀緊bb生完bb都一樣要靚靚💖💖💖 查看更多

茄媽孕期吃什麼？(1)

懷胎十月，對我黎講真係一個非常難忘既經歷，我諗我除左懷孕之外，從來未試過咁重咁論盡，但係果種骨肉相連心連心既感覺，絕對令我可以同種種辛酸大聲講「我願意」。

整個孕期，我一共重左10kg 左右，茄媽最常被問到，你陀小茄果陣食乜野架?點解可以長胎不長肉?以下係我既小小分享。⋯⋯

懷孕初期(1~3個月)

懷孕頭三個月可以話係最辛苦，識茄媽既朋友一定知，本人極之為食亦唔揀食，而且食量都幾大，但係我變得無心機同無胃口。雖然我冇嘔出黎，但係每日都好攰，好似大感冒食完藥咁暈下暈下，有時明明好想食果樣野，叫到埋黎完全唔想食。由於胎盤未成形，bb亦未有臍帶相連，講真，頭三個月除左涼野(豆漿都係涼)，生冷野同軟芝士(怕有李斯特菌肚屙)，有胃口的話其實乜都食得，均衡飲食最重要，當然最好就係食大量深綠色蔬菜，因為含有豐富葉酸，鈣質同蛋白質，我特別推介露筍，茄媽在整個孕期幾乎隔天就食一大束。總括黎講，呢3個月食到野又唔嘔返出黎，可以訓到天光就已經好好了。

懷孕中期(4~7個月)

終於見肚喇，胃口開始轉好，係孕婦蜜月期，茄媽本身係一名空姐，懷孕期暫時轉為喺辦公室工作，所以飲食好定時，我一定食早餐，煎蛋腸仔通心粉，午餐同晚餐都一定要有肉有菜有飯，晚餐會盡量堅持在家煮(茄爸負責)，菜單有露筍炒菇菇，翠玉瓜炒肉片，大量蔬菜，雞就選擇無激素的。湯水亦都好重要，我會煲花膠湯(骨膠原)，牛骨湯(鈣質)，總之唔係涼就可以，又係果句，一定要均衡飲食。零食方面，我一向喜歡主食，不太喜歡junk food,餐與餐之間口痕的話我會食水果，我堅持每日食3種當季既水果，車厘子，蘋果，橙，梨，藍莓，紅莓等等，總之我餓就會食。女仔最愛既甜品，適可而止啦，醫生話我地個胎盤好似個關閘，識得過濾，簡單黎講，營養就會比bb,糖呀，肥呀，就係比晒呀媽，所以記住大肚唔係大晒任食架。咖啡因飲品方面，其實一日飲一杯無所謂，我大肚前有飲開咖啡，不過大肚後就戒左，但就每日一杯檸茶，無法，太想飲了。我惟一有戒口既係貝類海鮮，包括蝦，蟹，雖然自己本身對海鮮無敏感，雖然話無科學根據，但我聽過太多case,所以為左小茄皮膚好，我搏唔過。

懷孕後期(8~10個月)
其實呢個階段個，個肚已經頂到上心口，好辛苦，有時呼吸都唔順，bb又壓住胃同膀胱，真係好唔舒服。早午晚餐我同中期一樣，堅持有菜有肉有飯有湯水，後期食肉既比例要多d,因為係bb長胎既關鍵，我連我大肚前戒左既牛肉都有食。補品方面，我冇刻意，我每日會食一匙即食燕窩補充蛋白質(有人話有雌激素，自己小心選擇)，有時燉下鮮奶花膠。9個月開始可以食涼野喇，老人家話清胎毒，西瓜，綠豆沙。。。當然又係適可而止啦!

終於打完喇。。。全部都係我在孕期既經驗，希望幫到各位準媽媽啦♡

我仲有好多好多野分享。。。下篇分享乜野好呢？我好開心開左呢個blog,多謝大家喜歡我和小茄♡

呢張係我陀住小茄7半個月影既相，諗返起。。。都覺得好奇妙♡

我的小小紅蘋果🍎

我的小小紅蘋果🍎

真係好熱呀....熱到溶喇....
🍆💭小茄同我一樣，一熱就冇晒心機😅😖😖😖

茄：我要一把芭蕉扇🔥🔥🔥👹😳😖

茄媽的護膚櫃-Spectra 消滅荷爾蒙斑

茄媽的護膚櫃

又到做機保養時間✏️📅🙆

😖生完小茄後，可能陀BB👶荷爾蒙轉變嘅緣故，D斑越嚟越明顯！都煩惱左好耐😭😭😭我要消滅佢地！🔥⋯⋯

呢部Spectra 係原廠韓國機🙆，仲係全球唯一一部攞到FDA認證,專係打荷爾蒙斑嘅美容儀器！呢部機仲可以改善膚色唔均勻，毛孔大，缺水滿面油光，皺紋，仲可以治療暗瘡肌！所以好適合夏天做！

我最滿意係塊面明顯白左，尤其是有斑既位同🐼眼圈位😁😁😁Very Good ！

做完機之後一定要做足防曬同加強保濕！！太陽眼鏡，帽一定唔少得！

Yeah! 我又可以繼續同陽光玩遊戲啦！🚲💨💨💨🌞🌞🌞

Medic Dynasty 完美皇朝

Whatsapp: 66325666
熱線: 81004544

（🙊話係Szeci介紹有優惠）

36 度一家人去破風

36 度一家人去大尾篤破風...🚲🚲💨💨💨

不過...係一滴風都冇哦！

小茄第一次坐單車，熱到溶，唔識表達冇晒表情😂😂辛苦一班司機們！⋯⋯

上到大尾篤水壩風景真係好靚，條路好直唔算長，一啲都唔辛苦！推介！好適合一家人去玩！

茄爸要返工冇得一齊黎玩，慘慘豬😟好彩晚上趕得切一齊燒烤！

結論：一家人在一起是最舒服最開心的😚

小茄毛毛蟲🐛🐛🐛

小茄毛毛蟲🐛🐛🐛

相信我同小茄個傻瓜島都起到好大座😁

十年、二十年後都不要沉沒吧，好嗎？

#insideout #goofballisland #plsdunsink

推介- Inside Out 玩轉腦朋友

一定要推介大家睇呢套搞笑又感人既動畫！ Inside Out 玩轉腦朋友！

我最鐘意睇卡通動畫，彼思動畫係我既至愛， Toy story , Finding Nemo, Monster Inc 我每一套都會買碟返屋企再喪睇！

玩轉腦朋友係講5位腦朋友：樂怒愁憎驚，喺一個小女孩既腦海控制中心，負責指揮小女孩每日日常生活既故事！⋯⋯

雖然前年既怪獸大學係令我有d 失望，但今次玩轉腦朋友，令我重拾返Finding Nemo 果種感覺，緊張刺激歷險感人，加上故事題材實在太天馬行空了！好睇！

我不會劇透，大家快d 去睇啦👍👍👍👍👏😁😁😁

#insideout #goofballisland

大家請給爸爸一個讚

大家請給爸爸一個讚👏👏👍👍👍👍

茄爸好犀利，我飛了，自己一個在家照顧小茄，煮埋早餐蒸蛋蛋餵早餐比小茄食，家務也做好，連煮午飯都一手包辦👍😁

多謝你用心學習，做個好爸爸，就算照顧小孩真的身心疲累，但想起這個世上多了一個屬於我們的骨肉，這是我們從沒有過的，真正一家人的感覺，是嗎👪💏💜⋯⋯

收到你們的自拍照，就知道你們一定相處得好好😚💜

不用呷醋，兩個我都愛😚👬

謝謝你,給我一個吻

謝謝你給我一個吻💋

😠💪媽媽又要上班去✈✈
今晚乖乖地，同爸爸好好相處哦！

茄媽的護膚櫃-O3鱘魚抗紋凝滑水柔凝膠膜

茄媽的護膚櫃

小茄入睡後，又係媽媽敷面膜嘅好時間😅😅😅，去完沙灘👙，塊面好乾要即刻要敷個面膜急救！😭

今日敷呢個SWISS CULB的Swissdé系列的O3鱘魚抗紋凝滑水柔凝膠膜，係用左專利成份CAVIAR COMPLEX(魚子精華），主要有令皮膚回復彈性，收緊提升輪廓效果🙆🙆🙆⋯⋯

今晚因為趕住瞓覺😴😴😴，我成包唧出黎敷30分鐘就洗咗去了！如果得閒嘅話，用導入機導入10分鐘效果會仲好！

現在皮膚飲飽水，滑滑，睡個好覺，Good night 😴😴💜

小茄的第一次沙灘遊

又疲倦又開心的一天💜😁

小茄第一次搭船仔，非常開心,對住個海「Woo! wooo!」

去到沙灘初頭有啲驚沙，攬住左我成個鐘😭好彩有雞脾同果果（奇異果）食，平伏不安既心情😮😮😮⋯⋯

突然有一下開竅😳（原來男人都係咁，會突然開竅）

望住過海奮不顧身咁衝落去.......不停咁拍水，玩沙，拍到成身都係😂😂😂

這就是小茄的第一次沙灘遊😚💜

我地去沙灘玩囉!

是日即興活動：我地去沙灘玩囉！☺💜

小BB , 比 d 耐性好唔好!

茄🍆：婆婆，快 d 快 D ! mum mum um mum mum ( 食物）！！！

令小茄發脾氣，失理性的
不是扭睡覺，不是尿片濕
是催人要食物⋯⋯
要又快又多塞滿個口先滿足😅😅😅😅

小BB , 比 d 耐性好唔好！ 😒😒😒☝

茄 Fashion 💜

茄 Fashion 💜

唔係要著到一模一樣先至叫親子裝😎👍

其實我平時好鍾意同小茄著相同元素既衫，型型地又低調既親子裝！咁樣自然d 又襯返我地性格！⋯⋯
大家都可以試下Mix and match 屬於自己同小bb 既親子穿搭🙆💜👶

今次我地著🇺🇸美國旗 Print Top, 小茄著loose fit卡其色褲加埋 Vans 鞋既old school style ，你地鍾意嗎？

Top : 朋友送
褲： Carter's
鞋： Vans Sk8

BB/敏感/濕疹肌專用！Billie Goat Soap !

BB/敏感/濕疹肌專用！Billie Goat Soap !

最近試左Billie Goat Soap 山羊奶皂同Cream ! 呢個牌子最出名就係純天然，所有產品都係🙆敏感肌專用，當然都好岩BB 用啦！

Billie Goat Soap 既由來係一位澳洲媽媽👩Leanne ，知道羊奶有醫治濕疹既功效，於是研制羊奶皂比有濕疹既仔仔👶用喇！⋯⋯

其實我都有少少怕🐑羊奶「蘇」味🙊不過呢隻一d 都冇，係用澳洲比利山羊奶同天然橄欖油，杏仁油，葡萄籽油手工整成，不過由於冇落香料，所以係好天然無添加既味道！沖完涼好潤！

另外又試左 face moisturiser 同 hand cream , 我仲以為用羊奶造會好油立立，估唔到又潤得黎好滑，😌😌仲吸收得好快添！小茄仲可以一齊用！😍😍😍 支Hand cream下次帶返工用先！

Billie Goat Soap
網頁︰http://www.billiegoatsoap.com.au/
售賣點︰香港及澳門100間屈臣氏門市

終於睡了~~~~

呼～

瘋狂過後
相信呢個都係媽媽們最期待的畫面😭😭😭😭
終於睡了

小茄的甜睡秘密

小茄的甜睡秘密

小BB 4，5 個月大開始出牙仔，相信好多媽媽都覺得小BB 心情比較煩躁易炆😖😖，訓得差又易醒，搞到媽媽都成晚無覺好訓。😭

小茄都算係咁，出世幾星期已經一直訓天光，但係近排牙仔出多左，的確易炆掙啲！朋友介紹我用天然精油，平平地精油set連埋部擴香機買左黎試，點知真係好好用，估唔到小茄心情好左之餘，連茄爸都受惠，平日工作壓力大精神緊張訓得差都改善到！⋯⋯

精油我一直聽過d朋友話好，因為天然安全，直接係用花草樹木植物提煉而成 ,超濃縮既精華！ bb 都可以用！同街邊得d 味既香薰係兩樣野黎！

我近日用得最多係 Peace & Calming 平和鎮靜精油, 係令人深層放鬆既精油，小朋友發脾氣最岩用！我訓前滴5 滴落擴香機，佢有埋加濕同空氣淨化功能，精油就會散發喺空氣，我同茄爸小茄同一間房訓，第一日用真係覺得好神奇，我地3個真係勁好訓😴😴😴😂😂訓到隻豬🐷🐷咁, 我有時會幫小茄搽幾滴Lavender 薰衣草精油落腳板底，等佢更加舒服平靜又好訓。😌😌😌

Purification淨化精油都好好用，可以中和潮濕「up」味煙味，驅蚊都得！ 🐜🐜🐜

另外勇氣Valor 同埋 Joy愉快精油我都好鐘意, 尤其好似今日咁又落雨，天灰灰心情好差既時候用，可以直接搽喺手腕或者滴落擴香機用，Valor 就有助提升自信同勇氣😠💪，對抗負能量！ Joy 就令人喚起浪漫愉快感覺💜，個人真係舒服好多！

其他幾支仲未開，發掘緊用途！遲d 再分享！

小茄吃什麼💜蒸蛋蛋

小茄吃什麼💜

一歲之後既小茄就開始食全蛋喇！小茄除左食芝士，乳酪，餅餅同包包之外，我會蒸蛋比小茄食！就咁將一隻雞蛋攪勻，放入碗仔度，隔水蒸大約8 分鐘就完成！

口感同味道有D 似不加調味既日本玉子燒，又香又軟綿綿，小茄用門牙仔咬碎，食得好滋味！👅👅👅

一包餅餅+ 乳酪+ 一碗蒸蛋，就成為一個簡單又豐富既早餐了！😬

茄 Fashion 💜

茄 Fashion 💜

下雨天也要好心情！邊個話落雨唔可以著新衫😚😚

今日就開左喺Joyrich 買既親子裝喇！物色左親子Tee 好耐架喇！我最鐘意熊仔，咁可愛點可以唔買💜💜🐻🐻！⋯⋯

仲有好低調咁同小茄Jordan 一下，係我最鍾意既紅黑Bred 系列😬😬小茄著11代真係人人讚，呢對BB 鞋真係整得好靚！型仔得黎又高貴💜

Tee : Joyrich
褲： Uniqlo
鞋： Jordan 11 Bred Low

小茄嗲嗲豬

睇天氣預報，黎緊成個星期都係下雨天😖😖😖☔☔☔

見今日冇落雨就同小茄去游水啦，點知冇太陽⛅️,🌀風又大,d 水好凍，玩左一陣就帶返小茄回家，真係無癮😭😭😭

回到家小茄又好嗲嗲豬，梗係啦成5日冇見，同小茄 selfie 下先📷📷，心情即刻好返，果然係我個小情人💏💏，冧晒 💜

Away from 茄...NYC

Away from 茄...NYC

茄媽消失左幾日，因為call standby 比人捉左去New York , 過左幾日不分晝夜既生活XD😂😂😂

去左翻生侏羅館搵 Dum Dum🗿 , 入面好多野睇，動物標本超級靚，唔同部族既風土人情等，仲有我最鐘意既恐龍骨展覽！同埋去左想食好耐既 Lobsters and Burger !啖啖龍蝦肉塞滿個面包入面，真係好好味！😍😍😍

其實New York 有好多好靚既地方 sight seeing 同玩，但係Jet lag 令人太傷身了！ XD😖😖😖

小茄13 個月大了!

今日望月曆先知，原來小茄已經13 個月大了！😱😱😱😱

小茄呢幾日突然好似開竅咁，識講好多單字！「街街」，「姨姨」，連「爺爺」，講一次就識叫😳我有預感佢第時一定係隻開籠雀仔🐦🐦😂😂😂

不過佢仲未識放開雙手行，淨係夠膽企，但係單手拖住行1個多小時完全冇問題👍⋯⋯

近排同爸爸仲要 friend 左好多，好痴纏，又成日爬去攬住爸爸，仲要玩撞頭遊戲😅😅😅😅茄爸當然勁冧啦！

咪咪眼笑就係佢招牌笑容，小茄係個好開心的小孩，在家成日都咪咪眼引人笑☺☺

你一笑，媽媽的心就融化了💜💏

和最愛的人在一起

和最愛的人在一起
.
做什麼也很夢幻💜😚💏

你找到了嗎？

Credit : https://www.facebook.com/wilproduction

茄媽的化妝箱-365日都要防曬

茄媽的化妝箱

防曬係我一日365 日都會用既產品，因為曬黑事少，加速皮膚衰老事大😖😖
所以一定要搽防曬阻隔可惡既紫外線！
⋯⋯
1， Alblanc Medicated whitening UV Protect SPF 50 +PA ++++

紅色呢支新買既！ PA 4 個+ 好似好勁咁😎👍Sofina 既防曬出名好用，呢支藥用美白好似好勁咁一定要試下啦！ So far 我覺得幾好用，最緊要唔會痴立立！

2，Nivea Instant White Firming Body Serum SPF 33

呢支泰國Boots 買架，係身邊防曬，又平又大支，我去馬爾代夫都係用呢支，咁又Q10 又 Firming , 出街勁用都唔覺得肉赤！我覺得幾好用！

3，Anessa Whitening UV protector SPF 50+ PA ++++

呢支其實好出名，係我誤打誤撞買左，因為我用開 Sofina😬😬不過呢支都好好用，搽面我最怕立，呢支都 Ok! 有時游水搽身我都係會用呢支！

桃桃與茄茄的Speed dating 👫💏

桃桃與茄茄的Speed dating 👫💏

可惜兩個當時人全程貌合神離，惟一最合拍既就係飲水同食野😅😅😅😎☝

小茄嘗試打電話比桃桃，可惜都係慘食檸檬🍋🍋😖😖🙅📞⋯⋯

最後，佢地都冇喺張紙上寫上對方個名......

（（烏鴉飛過.....））

😂😂😂😂

抗菌精油 Thieves!

做空姐呢行，作為前線員工，日日對住世界各地既客人，早排南韓多左人確診Mers , 個個唔夠膽去韓國玩，但日日咁多轉機客由世界各地黎，機艙細菌避無可避😖😖😖😖有緣既總會在機艙遇上.... 你估唔去南韓就冇事咩😭

😍😍😍好彩 Veggie Beauty Magoiki 介紹左呢隻抗菌精油 Thieves(盜賊精油）比我用，成份係丁香 Clove，檸檬 Lemon，肉桂樹皮 Cinnamon Bark，澳洲尤加利 Eucalyptus Radiator，迷迭香 Rosemary，全部都係抗菌抗病毒增強免疫力嘅精油。

只要滴幾滴落化妝棉，再放入呢個通花嘅吊咀度，精油嘅香味已經可以發揮抗菌效果！依家呢條頸鍊已經成為係我既抗菌護身符喇！其實我第一眼以為係香水樽，因為真係好靚囉😍😍😍⋯⋯

空姐們返工冇得帶口罩，惟有自己靠自己，預防勝於治療呀....

真心介紹！

條鍊呢度訂， My friend sell it:

http://goo.gl/forms/XybXgpysxl

Pee ka booo ...I see U !

Pee ka booo ...I see U !

小茄好鍾意玩 Pee ka boo,成日用毛巾，書呀遮住自己😳😳😳😅😅😅 不過係要我地裝佢囉😍😍😍😂😂

茄媽的護膚櫃-Firmage IV 第六代

茄媽的護膚櫃（今次唔係講 Product)

細過果陣成日聽人講一白遮三醜，所以我一直好努力咁護膚，點知大個左先知白雪雪係唔夠架😭😭😭原來最顯老既係((鬆弛))！😱

平日我影相最介意影側面，一黎地心吸力啦，二黎可以係我訓覺訓得衰，個枕頭唔岩高度😞久而久之頸下面層肉成日墜落黎，我覺得好難睇, 仲有咀邊肉肉同蘋果肌😖😖😖（愈講愈多添），我通通都唔滿意！⋯⋯

上星期的起心肝去做機搞搞佢（好多Model 同空姐朋友介紹架）😌😌😌呢部Firmage IV 第六代好犀利，個導頭同N 年前打過既激光無得比，以前果d 好似橡筋咁彈到塊面勁痛，但呢部只係好似震震下暖暖地，已經可以直達深層刺激骨膠原增生，眼袋位都可以做，最重要係還我V 面！👽👽😁😁

做左一次已經有即時效果，隔幾日仲明顯d!我要勤力d 做晒成個療程先得！

我知你地一定問我喺邊度做機😁👇
Medic Dynasty 完美皇朝

Whatsapp: 66325666
熱線: 81004544

（🙊話係我介紹應該會有空姐優惠）

1歲小茄食早餐了!

健康院話滿一歲既小茄已經唔係小BB👶 , 現在要開始食三固2奶！

呢幾日小茄都係食佢最愛既提子包包/牛奶包包🍞+ 一杯BB 乳酪🍨+ 一片芝士做早餐😁

小茄：嘩！咁凍冰冰既？乜野黎架😖但又好香桃桃🍑味又幾好食喎！😚😚😚😍

你地既小BB 又食乜野做早餐呢？

燃燒青春吧！踩單車！粉嶺>羅湖

好耐都無試過咁熱血！燃燒青春吧！（其實都冇乜青春😂😂）

今朝先飛完通宵即日來回返黎香港，訓左幾粒鐘💤💤💤！趁住好天氣☀☀☀，同茄爸去左踩單車！由粉嶺出發往羅湖方向，去左梧桐河果邊，藍天白雲綠草如茵，青青河邊草🌾🌾🌾，仲見到好多牛牛，靜靜地咁，好有日本目黑feel ！

不過踩完返黎...已經腳震震😭😱⋯⋯

單車路線：

粉嶺》沙頭角公路》梧桐河》羅湖邊境

Facebook 專頁半年了!

呼！！不經不覺開左FACEBOOK專頁半年了！🎉🎉🎉

https://www.facebook.com/eggplantmama

我終於的起心肝，將所有post 分晒相簿喇，所有護膚，化妝，旅行，孕期大小事，湊茄生活等等都分門別類，只需要喺專頁按👉「相片」，跟住你就會見到👉「相簿」呢一欄架喇！大家睇post搵post 就容易好多喇！👀👀👏😁

另外，好多朋友同我講,唔知點解我每次出post 都唔可以喺 news feed 第一時間睇到，今日先知原來要用電腦先可以整呢個 setting ! 因為facebook 要你揀👉👉👉「接受通知」先可以收到我個專頁既最新 update 架！
⋯⋯
大家多d黎呢度探下我，吹下水都得架 XD

多謝支持！🎉😁😁

茄Fashion

茄Fashion 💜

放假就係要瘋狂咁同小茄親子裝👦👨

🍆茄：低調d！唔好成日同我著到一樣！⋯⋯
👨茄爸：得喇，今日咁著冇人知道我地係父子架喇！🙊㊙

Tee： Slipknot
褲： Next
鞋： Air Jordan 11 bred low

車，又係冇我份😒😒😒

2015年8月13日星期四

茄媽的化妝箱-Matomage Hair styling Stick

茄媽的化妝箱

Matomage Hair styling Stick

天氣又熱又潮濕，頭髮特別唔聽話！尤其是漂染過嘅頭髮特別容易豎起，好煩！⋯⋯

登登登櫈！毛燥頭髮救星！👏👏👏呢個其實係空姐手袋必備既髮蠟，一打開，喺頭髮面掃兩掃就搞掂啲Baby Hair ！全部頭髮貼服晒😌😌😌✨✨✨最重要係唔會整污糟手指！平時返工扎頭都係用呢個！

哈哈，呢個髮蠟其實唔係乜野新野，不過有人問就 Share 下啦！😬😬😬 查看更多

茄 /茄媽Fashion 又黎下水禮！ ☀✨😎

茄 /茄媽Fashion

又黎下水禮！ ☀✨😎
茄：個太陽好曬呀！🙈👦☀☀☀
⋯⋯
今次著左大姑送既 Charlie Banana Swim diaper 🏊泳褲！質地非常好，係可以著完又著既環保游水尿片，游完水洗乾淨就得喇！👏👏以後都唔駛買游水片片，好開心！ 😎✌

我見網上有好多款，男👦女 👧BB 都岩！條條都好可愛😍😍😍

link :http://www.charliebanana.com/2-in-1-Swim-Diapers-Training-Pants-_c_75.html

另外都好想 Share 下我套新泳衣！今年好興既 crop top款，仲有我至愛既間條 Pattern 😎✌好有型😬

我最鐘意佢高領，同小朋友玩水唔怕走光，真係媽媽游泳恩物😍😍😍！因為著 bikini 去泳池玩始終唔係咁方便，加上上次我著 bikini ... 小茄一腳叉落我心口...😭😭😭...差d比人睇晒......

訂閱：文章 (Atom)

2015年8月31日 星期一

2015年8月30日 星期日

2015年8月27日 星期四

2015年8月21日 星期五

2015年8月19日 星期三

2015年8月17日 星期一

2015年8月16日 星期日

2015年8月15日 星期六

2015年8月14日 星期五

2015年8月13日 星期四