英國🇬🇧Bloom and Blossom 再生緊緻面部噴霧✨✨保濕x 緊緻 🙆🏻

英國🇬🇧Bloom and Blossom 再生緊緻面部噴霧✨✨保濕x 緊緻 🙆🏻

英國You Magazine最新公布，Bloom and Blossom成為本年度英國最佳美容品牌!

www.you.co.uk/you-beauty-box-best-of-british-to-you/

Bloom and Blossom 除左母嬰👩🏻👶🏻產品好用之外，佢哋嘅護膚產品都真係唔錯！

✨近日愛上咗用呢支再生緊緻面部噴霧，含有11 種天然植物油，包括羽衣草萃取、積雪草萃取、木賊萃取等天然成分，能夠迅速收細毛孔同快速保濕，有效改善膚色去除黑眼圈，增強膠原蛋白增生。

噴上面嘅時有一陣清新嘅🍋檸檬味，塊臉涼浸浸！唔化妝既時候當Toner 用， 噴幾下再輕輕按摩，有即時收緊效果，改善暗啞，感覺好舒服精神！

化妝後都用得，依家我長期放支喺✈️返工手袋，in flight 咁乾燥，尤其時飛長途！隨時噴兩下快速保濕，填補缺水引起嘅乾紋！飛長途機就唔駛怕喇！

私心愛用Kanebo Suisai 酵素洗顏粉💜👩🏻✨

私心愛用Kanebo Suisai 酵素洗顏粉💜👩🏻✨

(藍色保濕型)

茄媽一向對洗面產品冇乜要求，直到有一次妹妹提起有一隻洗面粉好好用（註：妹妹一向對護膚品都冇要求，亦都無感覺如果佢都讚好，證明效果真係好明顯😂😂😂）

試完之後感覺真係驚為天人😱，就算捱夜晚一晚，洗完面塊面都滑溜溜真係好似雞蛋咁!✨😏

︎☝🏾️呢款酵素洗顏粉藥用等級，專門對付黑頭粉刺跟頑固角質，成份好天然，係有消炎與清潔兩種分解酵素,可以溫和的去除污垢同老廢角質,洗完面感覺啲毛孔好乾淨好似做完一次輕量級嘅🙆🏻深層清潔一樣。

一盒有32粒，全部獨立包裝，過夜出trip 用方便到爆，其實我之前都試過用其他牌子洗面粉，開咗冇耐因為潮濕硬晒😭但係呢一隻就杜絕呢個情況，但就冇咁環保！如果你想慳啲用嘅可以1粒分兩次用，但我就建議全粒用晒，因為泡泡會多好多， 洗完面嘅感覺明顯好多！不過用完要加強保濕，因為你會feel 到塊面真係好乾淨，乾淨到有少少乾🙊所以我都唔會日日用，一星期用幾次就可以！除非你塊面太污糟啦！

 

一般藥妝店都有得賣，日本買就平少少啦！

推介！👍🏾😁

希望大家鍾意呢個分享，因為有好多人都問我用咩洗面產品呢！✌🏼️😬