訂左巧虎！ 寶寶版！

#湊茄日記

經朋友仔熱烈介紹下，終於訂左🐯巧虎教材比🍆😁小茄喇！一年12 期， 每一個月會收到一隻DVD, 一份玩具同一本硬皮書👏👏👏

由於我遲咗訂，所以第一次會寄兩期俾我，啲書同玩具都冇令我失望！真係好靚！我訂嘅係廣東話寶寶版，適合零至一歲嘅小朋友👶

呢兩期DVD係教🍎🍊🍌水果，眼耳口鼻，亦都有教叫佢個名要舉手🙋， 又有教沖涼等等...唱嘅歌就類似上幼稚園唱嗰啲「紅紅蘋果🍎，小小蘋果， 紅紅的蘋果真好吃」，有個姐姐教佢地一齊跳舞咁。

 d 硬皮書有好多拉頁，機關揭來揭去，小茄都好鍾意！

巧虎始終係源自日本既教材， 同迪士尼美語世界果d 又兩種野， 所以冇得比較， 我暫時都覺得唔錯呀！ 大家買教材可以諗諗！