小茄東京遊-六日五夜住邊度？

#小茄去旅行 #六日五夜住邊度 

#有BB床的親子酒店 #新宿哥斯拉酒店

我哋同小茄6日5夜既🇯🇵日本東京之旅完滿結束喇！呢5 個晚上我地就住喺位於東京新宿嘅🐲🏨哥斯拉酒店Hotel Gracery Shinjuku ！整體上我地一家都好滿意呢！

呢間酒店係今年4月先開，所以好新好乾淨✨✨！加上公公好喜歡怪獸， 所以我地二話不說就Book 呢間酒店試下喇！🎎

酒店位置亦非常方便，喺JR新宿東口一出，沿着新宿中央路行五分鐘就到！係喇，見到大大隻嘅哥斯拉喺酒店頂伸個頭出嚟呢幢就係啦！樓下有食肆， 藥房，行幾分鐘仲有開24小時既驚安之殿堂，方便到爆！😍😍

大堂都好新好整潔， 有好多哥斯拉記念品賣， 大堂另一邊行出去就係平台， 可以同大大隻哥斯拉合照， 😬👦🏽小茄好興奮呢！晚上指定時段哥斯拉仲會著燈噴煙表演， 不過我地miss 左😭

😆最最最最令我滿意既就係間房喇！日本酒店房出名係細架喇，但呢間又ok 大喎！而我最開心就係酒店安排到嬰兒床比小茄👏🏾👏🏾👏🏾！解決左我最擔心既問題🙏🏼， 因為小茄訓覺大過天！張床都幾大，小茄呢五晚都訓得好舒服,比平常訓多一小時先起床😅！帶bb 出遊東京好推薦呢間酒店👍🏾👍🏾

下次再同大家分享下小茄旅程既趣事😁